تاند (پنجشنبه، د سنبلې لومړۍ) متحده عربي اماراتو سره له دې چې د نورو هیوادونو په شان د طالبانو د حکومت په رسمیت نه پېژني، د دوی له لوري د معرفي شوی سفر منلی دی.
بدرالدین حقاني تر دې وړاندې په متحده عربي اماراتو کې د طالبانو استازی و.
بدرالدین حقاني د طالبانو د حکومت دوهم سفیر دی چې منل کېږي.
تر دې وړاندې چین د طالبانو د سفیر باورلیک منلی و. بدرالدین حقاني تراوسه پورې د متحده عربي اماراتو دولتمشر ته خپل باورلیک وړاندې کړی نه دی مګر خو متحده عربي اماراتو د نومونوړي له ګومارنې سره موافقه کړې او د دغه هیواد د بهرنیو چارو وزارت د تشریفاتو ريیس یې باورلیک منلی دی. په لنډ وخت کې به د متحده عربي اماراتو دولتمشر هم د بدرالدین حقاني باورلیک ومني.
بدرالدین حقاني د سفیر په توګه وروسته له دې په متحده عربي اماراتوکې منل کېږي چې تېره میاشت د متحده عربي اماراتو د حکومت په بلنه سراج الدین حقاني دغه هیواد ته سفر وکړ او د دغه هیواد له جګپوړو چارواکو سره یې وکتل.
د بدرالدین حقاني په اړه ویل کېږي چې له سراج الدین حقاني سره خپلوي نه لري خو له نوموړي سره نژدې کس دی.
بيا يې هم له رسميت سره له تنې او ټنډې ډواړو د ناهيلۍ نښې ښکاري. طالبان خپله په خپل زړه کې پوهيږي چې له رسميت پېژندنې لېرې دي.
له نجونو يې د زده کړو او له مېرمنو يې د کار حق اخېستی او حکومت يې ټول ځانته کړی. له طالب پرته پکې څوک د کار حق نه لري او نه پر چا باور کوي، نو …