تاند (شنبه، د اسد ۱۷ مه) په تیرو دریو کلونو کې، د طالبانو حکومت په افغانستان کې له بهرنیو او کورنیو شرکتونو سره د ۲۲ لویو کانونو د سپړلو/ استخراج قراردادونه لاسلیک کړي چې ټول ارزښت یې اووه نیم میلیارد ډالر کېږي.
د کانونو او پټرولیم وزارت په وینا، طالبانو په تېرو دریو کلونو کې لږ تر لږه ۲۲ لوی کانونه چینایي، قطري، ترکي، بریتانیايي، ایراني او ځینو کورنیو شرکتونو ته سپارلي دي.
د دغو کانونو ټول ارزښت نژدې ۷.۵ میلیارده ډالرو ته رسیږي، چې له دې جملې څخه د امودریا د تېلو حوزه، په هرات، کندهار، او پروان کې د سمنټو درې پروژې، د غوریان د وسپنې کان، د غور د سرپو کان او د تخار د سرو زرو کان تر ټولو مهم کانونه دي.
د لویو کانونو تر ټولو مهم قراردادونه په لاندې ډول دي:
د غوریان د وسپنې کان
د پانګونې اندازه: 4.8 ملیارد ډالره
قراردادي: د افغانانو په همکارۍ ترکیه، انګلستان او ایران
د جبل السراج د سمینټو کان
د پانګونې اندازه: 220 میلیون ډالره
قراردادي شرکتونه: قطري شرکت له یوه افغان شرکت سره
د غور ولایت د سربو کان
د پانګونې اندازه: 537 میلیون ډالره
قراردادي شرکت افغان اینویست
د تخار ولایت د سرو زرو کان
د پانګونې اندازه: 310 ملیون ډالره
قراردادي شرکت: چینايي
د مس عینک دوهم کان
د پانګونې اندازه: 411 ملیون ډالره
قراردادي شرکت: چینايي
د امودریا د تېلو حوزه
د پانګونې اندازه: 150 میلیون ډالره
قراردادي شرکت: چینايي
طالبانو زیاتره لوی کانونه چینایانو ته په قرارداد ورکړي دي، او په تیر کال کې، طالبانو یوازې د امو سیند د تېلو د حوزې د تېلو له خرڅلاو، زمردو، سربو او زینک له پلورلو څخه تر ۱۰۰ میلیون ډالره زیات عاید ترلاسه کړی دی.
د امو دریا د تیلو حوزې عاید: 94.5 میلیون ډالره
د پنجشیر د زمردو عواید: 4.5 میلیون ډالره
د سربو او زینک عاید: 14 میلیون ډالره