تاند (چهارشنبه، د اسد ۱۷ مه) پاپ فرانسیس په ایټالیا کې د افغان ټولنې له غړو سره په کتنه کې په افغانستان کې د تېرو څو لسیزو پېښې “ناورین” وبللې.
د واتیکان خبري اژانس د راپور له مخې، پاپ فرانسیس پر خپل دریځ ټینګار کړی او ویلی یې دی: “هیڅوک نه شي کولی د نورو په وړاندې د سپکاوي، کرکې او تاوتریخوالي د هڅولو لپاره د خدای نوم وکاروي.”
پاپ د بې ثباتۍ، جګړې، داخلي اختلافاتو او د اساسي بشری حقونو سیستماتیکو سرغړونو یادونه وکړه چې افغانستان یې ځپلی او ډیری افغانان یې جلاوطنۍ ته اړ کړي دي.
ده یادونه وکړه چې د افغانستان قومي تنوع، چې د افغاني ټولنې ځانګړتیاوې لري، “که د بشپړ تعقیب په ډول نه وي ځینې وختونه د تبعیض او محرومیت د دلیل په توګه کارول کیږي.”
پاپ فرانسیس د افغانانو ټولنې ټولنې ته وویل: “تاسو له ډیرو جګړو سره غمجن وخت تیر کړی.”
پاپ په کوزې پښتونخوا کې د بحراني وضعیت په اړه هم خبرې وکړې، چیرې چې ډیری افغانان د پناه غوښتنه کوي. ده یادونه وکړه چې اکثره پښتانه، چې په افغانستان کې اکثریت دي، هم له ناوړه چلند او تبعیض سره مخامخ دي.
د واتیکان نیوز پر اساس، پاپ د افغان ټولنې غړي وهڅول چې “د مذهبی همغږۍ د ودې لپاره خپلو لوړو هڅو ته دوام ورکړي،” او هڅه وکړي چې “د مختلفو مذهبونو تر منځ غلط فهمۍ له منځه یوسي څو د باور دیالوګ او سولې ته لارې هوارې شي.”
د واتیکان خبري اژانس د هغو افغانانو، چې له پاپ سره یې کتلي، نومونه نه دي ښوولي خو له پاپ سره یې د هغوی ګډ عکس خپور کړی دی.
د پاپ صاحب د پام وړ څو ټکی:
۱ – د متمدن بشر سره مذهبی، قومی، نژادی، سمتی او…… تعصبات او متقابلی کرکی نه ښائی.
۲ – سیدنا عیسی علیه السلام یو ستر مصلح پیغمبر ؤ خو پیروان ئی په قدر نه پوهیده او پخپل ګومان دا آسمانی شخصیت ئی مصلوب! کړ.
۳ – سیدنا عیسی علیه السلام ته منسوبه مقوله دا ده:
” که دی یو څوک د مخ پر ښی خوا په څاپیړه ووهی نو د مخ کیڼه خوا هم ور ته ونیسه “.
که څه هم احتمالاً د پورته مقولی انتساب به عیسی علیه السلام ته حقیقت ونلری او فقط یوه تبلیغاتی بڼه به ولری ځکه د انسانی تعقل او فطرت خلاف مقوله ده خو که رشتیا هم وی نو باید د هغه سپیڅلی پیغمبر پیروان ئی په عمل کی ثابته کړی یا ئی د تاریخ په اوږدو کی ثابته کړی وی خو د اثبات څرک ئی نه دی تر سترګو سوی ( نن سبا پر کمزورو او بی ځواکه وولسونو څومره ډول ډول مظالم جریان لری؟ ).
۴ – د سپټمبر د ۱۱ په پیښه کی افغان مظلوم وولس هیڅ رول نه درلود خو ولیدل سوه چی څومره ټینګه څاپیړه ئی پر مخ وخوړه چی تاسی او ستاسی غوندی کسان ور ته بی تفاوت پاتی وه او ( مقوله ) مو هیره وه.
په هره توګه، تاسی د یو روحانی شخص پتوګه مکلفیت او مسئولیت لری چی د نړیوالو پیچلو او ځوروونکو او ویرانوونکو پیښو مخنیوی وکړی او په لومړی ګام کی د وږو پرګنو د ګیډی د مړیدو په لیاره کی نه ستړی کیدونکی هلی ځلی وکړی نه دا چی د همجنس بازانو د حقوقو تأمین خپل د مکلفیت یوه مهمه برخه وګڼی.
۵ – وروستی خبره دا ده چی:
په عکس کی ستاسی تر څنګ ولاړ کسان به احتمالاً د طالب مخکی حکومتونو بی باکه او متکبر او فرصت طلب او بی خاصیته تکنوکرات او بی خاصیته لیبرال او قوم پرست مستخدمین وی کوم چی ځانونه ئی د سخت افلاس سره مخامخ کړی دی.