تاند (یکشنبه، د سرطان ۳۱ مه) د افغانستان پخواني ولسمشر حامد کرزي په کابل کې د ملګرو ملتونو د سرمنشی له ځانګړې استازې او د یوناما دفتر مشرې رزا اوتونبایوا سره د لیدنې پر مهال په افغانستان کې د سولې او ثبات د تامین لپاره د ملي تفاهم ټینګار کړی.
د نوموړي د دفتر په یوه اعلامیه کې ویلي، چې د دغې لیدنې پر مهال د افغانستان د وروستي وضعیت او په اړه یې د دوحې د درېیمې ناستې په تړاو خبرې شوي.
سرچینې د دغو خبرو نور جزیات نه دي روښانه کړي، خو د نور کله په شان یې د طالبانو لخوا د نجونو د تړلو ښوونځیو په بیرته پيل ټینګار کړی.
حامد کرزي تر دې مخکې هم ورته غوښتنې او ټینګار کړی، خو طالب چارواکو ادعا کړې چې د دوی واکمنۍ په افغانستان کې سوله او ثبات دواړه تامین کړي او چا سره د خبرو اړتیا نه ویني.