تاند (جمعه، د سرطان ۲۹ مه) د افغانستان د خبریالانو مرکز په یوه راپور کې ویلي، چې له تېرو ۶ میاشتو راهیسې یې له افغان خبریالانو او رسنیو سره د ناوړه چلند تر ۹۰ پورې پېښې ثبت کړې دي.
د هغه په وینا، په دې پېښو کې ۲۹ یې د خبریالانو نیول او شکنجه او نورې له رسنیو سره د ناوړه چلند اړوند دي.
ویل شوي، په دې موده کې طالبانو په کابل کې ۲ تلویزونونه، غزني کې دوه راډیوګانې او لغمان، خوست او پروان کې یوه- یوه راډیو تړلې ده.
سرچینه زیاتوي، چې له نیول شویو خبریالانو څخه یو یې چې حبیب الرحمان تاثیر نومیږي او غزني کې د ازادي راډیو خبریال و، لا هم طالبانو سره بندي دی.
طالبانو د دغه راپور په تړاو څه نه دي ویلي، خو مخکې یې خبریالانو او رسنیو سره د ناوړه چلند ادعاوې رد کړي.