تاند (دوشنبه، د سرطان ۲۵ مه) د تحریک طالبان پاکستان یا ټي ټي پي مشر نور ولي محسود د ملګرو ملتونو هغه راپور رد کړی، چې ډله یې ګواکې القاعدې سره د اړیکو تر څنګ د افغانستان له خاورې د پاکستان خلاف ګټه اخلي.
نوموړي په یوه پيغام کې ویلي: « موږ خپله جګړه کې بهرنۍ مرستې نه ترلاسه کوو او نه هم ورته اړتیا لرو. د الله په حکم موږ د خپل ولس په ملاتړ او همکارۍ شل کاله بریالۍ مبارزه کړې او د راتلونکي کې یې هم د ترسره کولو توان هم لرو.»
نور ولي محسود دغه پیغام کې د هغو پاکستاني علماو، ملي او سیاسي مشرانو دریځ ستایلی چې د دغه هېواد د حکومت له لوري د “عزم استحکام” له عملیاتو سره یې مخالفت ښودلی دی.