تاند(شنبه، د سرطان ۹ مه) په جرمني کې یوې محکمې یو ۱۵ کلن ځوان د کرسمس په بازار کې د تروریستي برید د پلانولو په تور په څلور کاله بند محکوم کړ.
دغه حکم پرون سې شنبې د جون په ۲۸مه د جرمني د کولون ایالت د یوې دولتي محکمې له خوا په داسې حال کې صادر شو، چې دغه ۱۵ کلن افغان ځوان د قتل د دسیسې او د عامه سولې د ګډوډولو په تور مجرم وپېژندل شو.
د کولون ایالت محکمې وموندله چې هغه په تیر مني کې له یوه 16 کلن روسي له څو پېژندلو څو اوونۍ وروسته په لورکوزین کې د کرسمس په بازار د برید پلان جوړ کړ.
برسیره پردې، د کولون محکمې ویلي چې 15 کلن ځوان په دې تورونو اعتراف کړی.
د یادونې وړ ده چې د جرمني یوې محکمې دغه ۱۵ کلن هلک د هیواد د ځوانانو د محرمیت د قوانینو او د تړلو دروازو تر شا محکوم کړ.
په همدې حال کې د جرمني حکومت په دې وروستیو کې په رسمي ډول د دغه هیواد د کورنیو چارو وزارت یوه مسوده تصویب کړه چې هدف یې د خطرناکو مهاجرو (ترهګرۍ ملاتړي) ایستل دي. د کورنیو چارو وزیر دغه طرحه د جون په ۲۶مه د جرمني کابینې ته وړاندې کړه.
د دویچه ویلې د راپور پر اساس، په ټولنیزو شبکو کې هغه فعالیتونه چې هدف یې د تروریزم ستاینه یا ملاتړ کول دي – حتی د تبصرې په بڼه – جرم ګڼل کیږي.