نو که هر شی سیاسی او طالبی انحصار لاندی راشی ،افغانستان به د مرضونو په تفدانی بدل او انسانیت به محو او یواځې کثیف تلتک به وی او ام الخبایث.
هل هذا هو الاسلام ؟

ارواښاد علامه ګل پاچا الفت رح فرمایې:
باغ او بڼ يې بې بلبل بې عندليبه

رنځوران يې بې دوا او بې طبيبه

څه په لوږه څه په تبه څه په تېغ مري

ورک شه ورک شه د پښتون خواره نصيبه

که يې ښه پوره په حال باندې خبر شې

خدايږو ته به هم پرې وژاړې رقيبه

ناپوهي خواره خواري ده او پښتون دی

کور يې وران کار يې ګډوډ او بې ترتيبه

لاس يې يو ځای، پښه يې بل ځای، سر يې بل ځای

پښتانه ټوټې ټوټې دي بې ترکيبه

نه ډوډۍ لری ، نه پوهه نه تعليم

څه بې له تورې بل له هر څه بې نصيبه

چې ريښتينې خادم يې وينم بېنوا دی

پښتو ژبه ده په ژبو کې غريبه

که غمخور، همدرد ، خواخوږی او دردمند يې

ژاړه ژاړه د پښتون په حال حبيبه