تاند (پنجشنبه، د جوزا ۳۱ مه) د کار ټولنيزو چارو وزارت لپاره د طالبانو چارواکو ویلي، چې نن پنجشنبه هم عمومي رخصتي ده.
د دغه وزارت د اعلامیې له مخې، دا رخصتي د لوی اختر د څلورمې ورځې په مناسبت په نظر کې نیول شوې ده.
طالبانو د سعودي عربستان او ګڼو نورو اسلامي هېوادونو برعکس سږ کال د لوی اختر پيل د یکشنبې پر ځای د دوشنبې په ورځ وکړ.
له دې سره، د پنجشنبې ورځې یانې نن د اختر څلورمه ورځ شوه.
په افغانستان کې معمولاً له اختر مخکې یا وروسته کومه ورځ، چې د دوو رخصتیو په منځ کې راځي، رخصت اعلانیږي.