دوشنبه, جولای 22, 2024
Homeخبرونهجرمني افغان کډوال د ازبکستان له لارې افغانستان ته استوي

جرمني افغان کډوال د ازبکستان له لارې افغانستان ته استوي

تاند (یکشنبه، د جوزا ۲۷ مه) د جرمني شپیګل مجلې نن (یکشنبې) راپور ورکړ چې د دغه هیواد حکومت له ازبکستان سره خبرې کوي چې له طالبانو سره له مخامخ خبرو او مشورې پرته له جرمني څخه افغانستان ته د مهاجرو د ایستلو امکان برابر کړي.

مجلې د خپلو سرچینو له افشا کولو پرته ویلي چې د کورنیو چارو وزارت یو پلاوی د مې میاشتې په وروستیو کې د ازبکستان پلازمېنې تاشکند ته په دې موخه سفر کړی و.

دغه پلاوي د ازبکستان حکومت ته وړاندیز وکړ چې له جرمني څخه ایستل کېدونکي افغانان دې تاشکند ته ولېږل شي.

په راپور کې ویل شوي، له هغه ځایه دوی د کام ایر خصوصي هوايي شرکت له لارې کابل ته لېږدول کېدای شي. د جرمني د کورنیو چارو وزارت په سمدستي ډول د دغه رپوټ په اړه څه نه دي ویلي.

تر دې مخکې د جون په میاشت کې د جرمني د کورنیو چارو وزیرې نانسي فایسر ویلي و چې هیواد یې د هغو افغان پناه غوښتونکو د ایستلو پر غور کوي چې امنیتي ګواښ رامنځ ته کوي.

هغې دا څرګندونې وروسته له دې وکړې چې یوه افغان د جرمني یو پولیس وواژه او په جرمني کې د افغان کډوالو په اړه انتقادونه زیات شول.

LEAVE A REPLY

Please enter your comment!
Please enter your name here

- Advertisment -

ادب