سه شنبه, جولای 23, 2024
Homeخبرونهد مجیب پر ځای حضرت الله ځاځی د کرکټ ملي لوبډلې ته...

د مجیب پر ځای حضرت الله ځاځی د کرکټ ملي لوبډلې ته راوستل شو

تاند (شنبه، د جوزا ۲۶ مه) د افغانستان د کرکټ تکړه سپینر یا ورو باولر مجیب الرحمان به د ټپ له کبله په نړیوال شل اوره جام سیالیو کې د افغانستان له لوبډلې سره ملګرتیا ته دوام ورنه کړای شي.

مجیب الرحمان د یوګنډا په وړاندې، چې په روان شل اوره جام کې د افغانستان لومړۍ سیالي وه، د افغانستان په لوبډله کې ولوبېد خو له هغه راوروسته په دوو نورو سیالیو کې یې برخه نه لرله.

تر دې وړاندې مجیب الرحمان د ژوبلې ګوتې په خاطر د هند په غوره لیګ کې هم ونه لوبېدای شو.

د مجیب الرحمان پر ځای حضرت الله ځاځی، چې توپ وهونکی دی، ټیم ته اخیستل شوی دی.

د کرکټ نړیوالې شورا د مجیب په ځای لوبډلې ته د ځاځي له راوستلو سره موافقه کړې ده.

خو حاضردمه د مجیب ځای نوراحمد ډک کړی دی. ده

د یوګنډا په وړاندې په مسابقه کې په ۴ اورونو کې یو لوبغاړی وسوځاوه او ۱۴ منډې یې ورکړې.

خو ګومان کېږي چې د افغانستان د لوبډلې سرروزونکی جناتن ټروت غواړي چې د مجیب پر ځای ننګیالی خروټی ټیم ته راولي چې هم چپ لاسی دی او هم سپینر.

د افغانستان لوبډله د اتو غوره لوبډلو پړاو ته رسیدلې خو په بل پړاو کې غالباً له استرالیا او هند سره په یوه ګروپ کې دی چې دواړه ډېر پیاوړي ټیمونه دي.

LEAVE A REPLY

Please enter your comment!
Please enter your name here

- Advertisment -

ادب