تاند (جمعه، د جوزا ۱۸ مه) په نړیوال شل اوره حام سیالیو کې نن په اې ګروپ کې کاناډا آیرلنډ ته ماته ورکړه.
د دې سیالۍ پچه آیرلنډ وګټله خو غوره یې وبلله چې لومړی کاناډا توپ وهنه (بیټنګ) وکړي.
کاناډايي لوبډلې د شل اورونو په پای کې په داسي حال کې چې ۷ لوبغاړي یې بایللي وو، ۱۳۷ منډې وکړې.
آیرلنډ د کاناډا د ۱۳۸ منډو د هدف په وړاندې په شلو اورونو کې په داسي حال کې چې ۷ لوبغاړي یې له لاسه ورکړل، ۱۲۵ منډې وکړې. او دا سیالي یې په ۱۲ منډو وبایلله.
څو ساعته وروسته د افغانستان او نیوزیلنډ ټیمونه مخامخ کېږي.
د افغانستان او نیوزیلنډ سیالي د افغانستان د سهار په ۴ بجې پیلېږي.
سبا بله سیالي په ډي ګروپ کې د بنګله دېش او سریلانکا ترمنځ د افغانستان د سهار په ۵ بجې ده.