شنبه, جون 15, 2024
Homeخبرونهروسیې خپل وګړي افغانستان ته له سفر کولو منع کړل

روسیې خپل وګړي افغانستان ته له سفر کولو منع کړل

تاند (۴شنبه، د جوزا دویمه) د روسیې د بهرنیو چارو وزارت له روسي اتباعو غوښتي، چې افغانستان ته له سفر کولو ډډه وکړي.

د روسیې سپوتنیک خبري اژانس ویلي، چې دا غوښتنه تر هغې وروسته د یوې اعلامیې له خپرولو سره شوې، چې د افغانستان په شمالي ولایت بامیان کې پر بهرنیو سېلانیانو مرګونی برید وشو او مسوولیت یې داعش ډلې پر غاړه واخیست.

روسیې د افغانستان امنیتي وضعیت د اندېښنې وړ ګڼلی او له خپلو وګړو یې غوښتي، چې د سیاحت په ګډون دغه هېواد ته له هر ډول سفر کولو ډډه وکړي.

طالب چارواکو په بامیان کې پر بهرنیو سېلانیانو له برید وروسته ویلي، چې د امنیت ښه کېدو کلک تدابیر یې نیولي او د اندېښنې وړ څه نشته.

تر دې مخکې یو شمېر نورو هېوادونو هم خپل وګړي افغانستان ته له سفر کولو منع کړي او د افغانستان وضعیت یې د اندېښنې وړ ګڼلی، خو پر افغانستان واکمن طالب چارواکي د بشپړ امنیت ادعا لري او هر ډول امنیتي اندېښنې ردوي.

د بامیان د برید په اړه د طالبانو استخباراتو ته منسوبې رسنۍ « المرصاد» په یوه لیکنه کې پاکستان تورن کړی و، چې یاد شوی برید یې له کوټې څخه د یو شمېر استولو هزاره جنګیالیو په وسیله کړی او مسوولیت یې د داعش په نوم اعلان کړی.

LEAVE A REPLY

Please enter your comment!
Please enter your name here

- Advertisment -

ادب