یکشنبه, جون 16, 2024
Homeخبرونهملا برادر او ملا متقي د ایران په لور وخوځیدل

ملا برادر او ملا متقي د ایران په لور وخوځیدل

تاند (۴شنبه، د جوزا دویمه) د طالبانو د ریاست‌الوزراء اقتصادي مرستیال ملا عبدالغني برادر اخوند نن سهار د ایران د وفات شوي ولسمشر ابراهیم رییسي د جنازې په مراسمو کې د ګډون لپاره د ایران پلازمېنې تهران ته روان شو.

د ملا برادر دفتر وایي، چې نوموړی به د ایران پلازمېنه تهران کې د دغه هېواد د وفات شوي ولسمشر ابراهیم رییسي د جنازې په مراسمو کې د ګډون ترڅنګ د دغه هېواد حکومتي مسوولینو، د مرحوم کورنۍ او د ایران ولس ته د طالبانو د رژيم او د افغانستان د خلکو په استازیتوب د تسلیت مراتب وړاندې کړي.

د سرچینې د معلوماتو له مخې، له ملا برادر سره په دغه سفر کې د طالبانو د بهرنیو چارو وزیر مولوي امیرخان متقي ملتیا کوي.
په پام کې ده چې د ایران وفات شوی ولسمشر رییسي او ورسره د چورلکې د لوېدو پېښه کې نور وژل شوي کسان نن خاورو ته وسپارل شي.
د سیمې او نړۍ د یو شمېر نورو هېوادونو چارواکي هم د نوموړي د جنازې مراسمو ته روان شوي او د تګ په حال کې دي.

LEAVE A REPLY

Please enter your comment!
Please enter your name here

- Advertisment -

ادب