یکشنبه, جون 16, 2024
Home+د جام منار ته په ورپېښ خطر اندېښنې

د جام منار ته په ورپېښ خطر اندېښنې

تاند (یکشنبه، د ثور ۳۰ مه) ډېری افغانان، په تېره بیا هغوی چې د تاریخي اثارو په ارزښت پوهیږي، په غور کې جام منار ته د ورپېښ خطر له امله اندېښمن دي.

وروستیو سیلونو د دغه لرغوني منار شاوخوا ډب کړې او دا خطر شته چې منار ونړېږي.

ځیني خلک وايي چې د منار داخل ته اوبه ننوتي دي.

دا منار، چې د دوولسمې میلادي پیړۍ په وروستیو کې جوړ شوی، ۶۴ متره لوړ دی.

د غور منار په ۲۰۰۲ م کال د یونسکو له لوري په نړیوالو میراثونو کې ثبت شو.

په غور کې د پرون (شنبې) او وړمې ورځې (جمعې) د سیلونو له کبله لږترلږه ۵۰ تنه مړه شول او نژدې ۲ زره کورونه ونړېدل.

LEAVE A REPLY

Please enter your comment!
Please enter your name here

- Advertisment -

ادب