یکشنبه, جون 16, 2024
Homeخبرونهد کابل زوړ ښار بیا رغول کیږي

د کابل زوړ ښار بیا رغول کیږي

تاند ( شنبه، د ثور ۲۹مه) د طالبانو د اطلاعاتو او فرهنګ وزارت ویلي، چې په نږدې راتلونکي کې به د کابل زوړ ښار او د کابل سیند د دواړو غاړو پخوانۍ ودانۍ ورغول شي.

د وزارت ویاند حبیب غفران ویلي، چې دا پرېکړه د دوی د ریاست الوزرا لخوا شوې او د عملي کېدو او څارنې لپاره یې د یو شمېر اړوندو ادارو ګډه کمېټه هم جوړه شوې ده.

هغه نه دي ویلي، چې دا چارې په دقیق ډول کله پيل او څومره لګښت پرې راځي.

د لګښت ورکوونکې مرجع نوم هم نه دی اخیستل شوی، خو په اړونده کمېټه کې د اغا خان بنسټ نوم یاد شوی.

یاد شوي بنسټ، تر دې مخکې هم د افغانستان په ګڼو سیمو کې د تاریخي اثارو او ابداتو د رغونې او نورو فرهنګي پروګرامونو مالي او تخنیکي مرسته کړې وه.

طالبان دا ځل د خپل تېر رژیم برعکس، د تاریخي او فرهنګي اثارو په ساتنه او خوندیتوب ټینګار کوي او په دې برخه کې یې هڅې د ځینو فعالانو لخوا ستایل شوي.

د دوی په تېره واکمنۍ کې د بودا تاریخي مجسمې په بامیان کې ونړول شوې، چې د افغانستان د فرهنګ لپاره لویه ضایع ګڼل کیږي.

LEAVE A REPLY

Please enter your comment!
Please enter your name here

- Advertisment -

ادب