تاند ( ۳ شنبه، د ثور ۲۵مه) له افغان شخصیتونو سره د طالبانو د اړیکو کمېسیون د یوې اعلامیې په خپرولو سره ویلي، چې د کابل امنیې قومندانۍ د جمهوري نظام د ولسي جرګې غړی الله ګل مجاهد د پخوانیو کړنو له امله نه، بلکې د یوه نوي قتل په تور نیولی دی.
یاد شوي کمیسیون زیاته کړې؛ دا چې الله ګل مجاهد د دوی له لارې هېواد ته راستون شوی، نو دغه کمېسیون له راستنېدونکو هېوادوالو سره په کړو ژمنو ولاړ دی او د طالبانو د مشر د عفوې فرمان په بشپړ ډول عملي کوي.
په کابل کې د طالبانو د امنیې قومندانۍ ویاند خالد ځدراڼ ویلي وو، چې الله ګل مجاهد د قاري سعیدالله په نوم د یوه کس د وژلو په تور بندي شوی.
د هغه په وینا، نوموړی د ۱۴۰۲ په وروستیو کې وژل شوی او مجاهد پکې په لاس لرلو تورن دی.
الله ګل مجاهد او ورته نږدې سرچینو په دې اړه څه نه دي ویلي.
د یادونې وړ ده، چې الله ګل مجاهد شاوخوا یو کال مخکې له ترکیې څخه ایران او بیا افغانستان ته د طالبانو د سیاسي کمېسیون په بلنه ستون شوی و.
هغه د جمهوري نظام پر مهال هم د طالبانو له مدافعینو و، خو له واک ته رسېدو وروسته یې د یو شمېر کسانو لخوا چې د طالبانو وسله والو ته ورته ول، په یوه رسنیزه شوې ویډیو کې د اهانت او بندي کېدو څخه وروسته له هېواده وتلی و.
مجاهد له پخوا څخه د ځمکو په غصب، وژنو، زورواکۍ او باج ګیرۍ تورن و، خو ده دا تورونه رد کړي وو.
دا خو یو ښکاره دغه خنزیر اشرار په زرګونو په پردیو لاسو وژلي باید محکمه سي سره له نورو قاتلو اشرارو 😡👍
TALIBS FALLOW TWO KIND POLICY;
ZAHIR QADEER HAVE MANY RASTURANT IN JALAL ABAAD CITY/KHAJI DEEN MOHAMMED DID MORE CORRUPTION,
THEY KILLED DOCTOR NAKAMORA.
WHY? WHY /WHY? WHY?
WHY TALIBS ARE QUIET FOR QADEER FAMILY.
JUSTICE MUST BE FOR ALL ONE KIND.
TALIBS MUST ASK FOR CORRUPTION OF MUSLIMYAR/QADEER/HAZRAT ALI/ AFANDY FAMILY
ZENDAH BAAD ADAALAT