تاند (سې شنبه، د ثور ۴ مه) د امریکا د بهرنیو چارو وزارت په یوه کلني راپور کې نن پر افغانستان د طالبانو واکمن رژیم د بشري حقونو په پراخ نقض تورن کړی.
د دغه راپور له مخې، په ۲۰۲۳ کال کې په دې هېواد کې بشري حقونه په پراخه کچه نقض شوي او د طالبانو حکومت د خپلې واکمنۍ په دوام؛ د افغانانو خپلسرو نېونو، شکنجې، ځورونو، اختطاف، وژنو او ان جبري کډوالۍ ته دوام ورکړی.
په دې راپور کې راغلي چې په افغانستان کې د ښځو حقوق نور هم خراب شوی.
په افغانستان کې د طالبانو واکمن رژیم بیا د امریکا متحدو ایالتونو د بهرنیو چارو وزارت دغه تازه خپاره شوي راپور ته توند غبرګون ښودلی.
نوموړي د ملي تلویزون له لارې خپاره کړي پيغام کې ویلي: اسلامي د حقونو د ورکړې په برخه کې اسلامي مکلیفت لري. دا چې د افغانستان خلک مسلمانان دي، حقوق یې هم په اسلامي شریعت کې تعرفېږي او ټول حقوق یې ورکول کېږي. دا چې امریکا او یا بل کوم غربي هېواد د حقوقو په اړه غږېږي، هغوی باید غربي فرهنګ په نورو هېوادونو تحمیل نهکړي.
د امریکا د بهرنیو چارو وزارت یاد شوی راپور داسې مهال خپریږي، چې د طالبانو رژیم په زیاتیدونکي ډول فشارونو سره مخ دی.
د نجونو د زده کړو او ښځو د کار موضوع له تر ټولو مهمو موضوعاتو څخه دي، چې افغانانو او نړیوالو یې له امله پر طالبانو فشارونه زیات کړي.
خبره خو دا ده چی هم د بشری حقوقو د پایمالیدو په هکله د امریکا د خبیث دولت تشویش بشری شعور ته توهین دی او هم د اسلام په دایره کی د طالب لخوا د بشری حقوقو د رعایت ادعا د مسلمان او افغان شعور ته لوی توهین او سپکاوی دی.
د پورته عکسونو درد د ابوغرېب او ګوانتانامو د ځوروونکو عکسونو تر درد په کمه نه دی.