تاند (شنبه، د حمل ۲۵ مه) د بدخشان ولایت په شهربزرګ ولسوالي کې په یوه ترافیکي پېښه کې د یوې کورنۍ ۴ غړي مړه شول.
په دې پېښه کې، چې پرون وشوه، ۷ تنه نور ټپیان دي.
راپورونه وايي چې د ۳ ټپیانو حال نازک دی.
د پېښې جزییات لا څرګند نه دي خو په افغانستان کې اکثره ترافیکي پېښې د موټرچلوونکو د بې احتیاطۍ او د لارو د خرابوالي له کبله کېږي.
له دې پېښې یوه ورځ مخکې د سمنګان – بلخ ترمنځ په حضرت سلطان ولسوالي کې په یوه ترافیکي پېښه کې یو تن مړ او ۹ نور ټپیان شول.