تاند( جمعه، د حمل ۲۴ مه) د پښتونخوا په بېلابېلو سیمو کې د داختریزو چکرونو او لامبو وهلو پر وخت ګڼ کسان سېندونو ډوب کړي.
د راپورونو له مخې، دا پېښې په نوښار، چارسده او کواټ سیمو کې شوې دي.
سیمه ییزو رسنیو ویلي، چې د اختر په دويمه ورځ د پښتونخوا په نوښار، چارسده او کوهاټ کې لږ ترلږه ۱۸ تنه اوبو ډوب کړي، چې له دې ډلې اته کسان ژوندي ژغورل شوي دي.
ویل شوي، چې له دغو کسانو څخه ځینو یې د سیندونو منځ کې په کښتیو کې چکرې وهلې او ځینو لمبل، چې اوبو ډوب کړي دي.
ورته پېښې د افغانستان په نورو سیمو کې هم کیږي، چې ډېر ځله د ځاني تلفاتو سبب ګرځي.