تاند (جمعه، د حمل ۱۰ مه) د طالبانو د واکمن رژیم د رییس الوزرا اداري مرستیال ملا عبدالسلام حنفي د روغتیا نړیوال سازمان څخه وغوښتل، چې په افغانستان کې د ګوزڼ یا پولیو ناروغۍ د ختمولو لپاره دوی سره مرسته وکړي.
د طالبانو تر کنټرول لاندې د ارګ له ایکس یا ټویټر پاڼې په خپره شوې اعلامیه کې راغلي، چې ملا حنفي دا غوښتنه د یوه ویډیو کنفرانس له لارې له نړیوال روغتیایي سازمان څخه کړې ده.
د طالبانو د بیا واکمنۍ په لومړنیو میاشتو کې هم د افغانستان په شمال کې د ګوزڼ پر ضد د واکسین یو شمېر ښځینه کارکوونکې په ځینو بریدونو کې ووژل شوې، چې مسوولیت یې چا پر غاړه وانخېست.
څارونکي اوس د ګوزڼ یا پولیو پر ضد د طالبانو اوسنۍ هڅې ستایي او د ښو پایلو هیله ترې لري.
تر پرون پوری یی سره د پولیو واکسیناتوران وژل اوس له دنیا والو څخه د پولیو د محوې کولو لپاره کمک غواړی ـ څومره جاهله طبقه یاستی ـ