په دې مسابقه کې، چې د ۲۰۲۶ د نړیوال جام د غوراوي په لړ کې د هند په کوربه توب وشوه، په لومړۍ نیمايي کې هندي لوبغاړي سونیل چیتري په پینالټي ګول وواهه.
په دوهمه نیمايي کې افغان لوبغاړي رحمت اکبري لوبه مساوي کړه او د شریف محمد په ګول افغانستان دوه پر یو وړاندې شو.
تر دې مخکې د هند او افغانستان لومړۍ مسابقه یو پر یو مساوی شوې وه.
د افغانستان لوبډله، چې اوس څلور امتیازونه لري، په بله مسابقه کې به له قطر سره مخامخ شي.
د افغانستان او قطر مسابقه به د جون په شپږمه وي.