تاند ( دوشنبه، د حوت ۲۸مه) په ننګرهار کې د طالبانو د رژیم ځایي چارواکي وایي، د دوی امنیتي ځواکونو یوه ۳ کلنه ماشومه د اختطاف کوونکیو له منګولو ژغورلې.
د طالبانو د امنیې قوماندانۍ ویاند حافظ مولوي عبدالبصیر زابلی وايي؛ شپږ ورځې وړاندې یوه ۳ کلنه ماشومه د نامعلومه کسانو لخوا اختطاف شوې وه، چې د څلورمې امنیتي حوزې ځواکونو ماشومه د اختطاف کوونکو له منګولو وژغورله او خپلې کورنۍ ته يې وسپارله.
سرچینې د یادې د ماشومې پلار له قوله ویلي؛ اختطاف کوونکیو ورته ګواښ کړی و، که پيسې ور نه کړي، لور به يې ووژني.
په وروستیو کې د افغانستان له بېلابېلو سیمو د انسان تښتونې د پېښو خبرونه زیات شوي، خو ورسره د تښتول شویو کسانو د ژغورل کېدو راپورونه هم ورکول کیږي.
څارونکي باور لري، چې د بې کارۍ تر څنګ سخت اقتصادي او بشري ناورین په هېواد کې د ورته جرمونو د ز یاتیدو له اصلي لاملونو دي.
دتاریخ په اوږدو کی کله هم دا څوک نشی ثابتولای چی یو څوک دی د اقتصادی مشکلاتو له کبله د بل انسان ژوند په خطر کی واچوی او یا دی ماشوم و تښتوی دا د هغه وحشی صفته خلکو کار دی د انسان په جامه کی دوحشی ځناورو په شان کارونه کوی او غربیا یی د بشر د حقوقو ه نوم ورڅخه دفاع کوی