تاند (چهارشنبه،د حوت ۱۶ مه) د ملګرو ملتونو سرمنشي انتونیو ګوتریش د افغانستان په اړه تازه خپاره کړي راپور کې ادعا کړې، چې پر افغانستان واکمن طالب چارواکي د خپل حاکمیت پر کلیدي مسایلو اختلاف لري.
د نوموړي په وینا، دا اختلاف له اقتصادي، سیاسي او امنیتي مسایلو د نشهيي توکو په کښت تر بندیز رسېږي.
سرمنشي په دې تړاو مشخص جزییات نه دي ورکړي، خو یو شمېر نور څارونکي هم باور لري چې د طالبانو یوه لویه برخه مشران نړیوالو او افغانانو سره په خپلو دریځونو او تعامل کې د نرمۍ پلویان دي.
له دې سره، ادعا کیږي چې د طالبانو د مشر ملا هبت الله اخوند زاده شاوخوا ته یوه محدوده ډله څېرې له هغه سره په افراطي دریځونو کې ملګري دي او لا نورو سخت دریځو کړنو ته ترجیح ورکوي.
د ملګرو ملتونو د سرمنشي راپور چې نن خپور شوی؛ په کې طالبان په ادارې او تصمیم نیوکو پروسو کې خلکو ته د پراخ مشارکت نه ورکولو له امله ناکام بلل شوي او لیکل شوي، طالب چارواکو په سیمهییزه او ملي کچه د خلکو د ګډون لپاره د ژمنو او هڅو سره سره، په دې برخه کې هیڅ پرمختګ نهدی کړی.
په راپور کې دا هم لیکل شوي چې د طالبانو ټولې ګمارنې هم یوازې تر هغو کسانو محدودې دي چې د دوی رهبرۍ ته ژمن خلک دي.
طالب چارواکو او ویاندویانو ورته ادعاوې مخکې رد کړي، خو تازه راپور ته یې غبرګون نه دی ښودلی.
روانه اوونۍ د طالبانو د رژیم ویاند ذبیح الله مجاهد ملګري ملتونه د لویو قدرتونو تر اغېز لاندې سازمان وباله او تور یې پورې کړ، چې یاد شوی سازمان د همدغو قدرتونو تر فشار لاندې د دوی خلاف دریځونه نیسي.
ما ډیر خره لیدلي ، خو د هیبتې ځناورو نسل په کې ځان ته طاق دي. په دغو خرو بیا هغسې ورځ را روانه دي چې خلک به خپل بار هم نه پرې انتقالوي.
اسلام عليکم
ورور جانه لږ تاریخ ولوله