تاند( یکشنبه، د حوت ۱۳ مه) په ټولنیزو رسنیو کې یوه خپره شوې لنډه ویډیو څرګندوي، چې په یوه ښوونځي کې یو ځوان شاعر د پاکستان د ملا فضل الرحمان خلاف د شعر ویلو پر مهال، د سټېج پر سر د خپل معلم لخوا په څپېړه وهل کیږي او له سټیجه ایسته کیږي.
دغې ویډیو د افغان فعالانو توند غبرګونونه پارولي او په اړه یې بېلابېلې ادعاوې شوې دي.
د طالبانو یو شمېر منتقدانو ادعا کړې، چې یاده ویډیو د یوه افغان ښوونځي اړوند ده او د دغه ځوان وهل او سپکاوی پر طالب رژيم د پاکستاني افکارو ژور اغېز څرګندوي.
د طالبانو یو شمېر پلویانو بیا د دغې مشاعرې د ویډیو ځینې برخې زوم کړي او پر دېوال یې له لیکلو اردو شعارونو څخه ادعا کړې، چې د مشاعرې ځای پاکستان دی.
ځینو نورو کسانو بیا د شعر ویونکي ځوان له لهجې او احساساتو څخه په استناد ویلي، چې نوموړی افغان زده کوونکی دی او په ډېر ګومان په پاکستان کې د افغان کډوالو په کوم ښوونځي کې زده کړې کوي.
په ټوله کې دا ویډیو او له دغه ځوان سره ناوړه چلند د خلکو توندو غبرګونونو سره مخ شوی، تر دې چې په ټولنیزو رسنیو کې د طالبانو یو شمېر پلویانو هم غندلی او ویلي، چې دغه ښوونکی که احیاناً په افغانستان کې وي، باید جدي چلند ورسره وشي.
د ډیزل رامان معلم نه بلکه میلو، مړز او منافق دي. د ډیزلی ذغه بوټ پاک او غوړه مال میلو به یو وخت د افغانانو ذ لغتو د فوټ بال لاندی راشی. افغانان خپل دغه او نور بدلونه او ناروا کړنی ډیزلمارانو ته نه پریږدی.