تاند ( دوشنبه، د دلوې ۱۶ مه) د پښتونخوا په ډېره اسماعیل خان سیمه کې د پاکستاني پولیسو پر یوه مرکز د برید په پایله کې د دغه هېواد لس تنه امنیتي ځواکونه وژل شوي.
پاکستاني رسنۍ وایي چې د دغه برید پر مهال یې شپږ نور ځواکونه ټپیان شوي هم دي.
سرچینې زیاتوي چې دغه برید د څه باندې ۳۰ تنه وسله والو له لوري ترسره شوی او نښتې شاوخوا دوه نیم ساعته دوام کړی دی.
دغه برید داسې مهال رامنځ ته کیږي چې ټاکل شوې د پاکستان عمومي ټاکنې درې ورځې وروسته د روانې فبروري میاشتې په اتمه نېټه ترسره شي.
د دغه برید مسوولیت تر اوسه کومې ډلې پر غاړه نه دی اخیستی، خو تحریک طالبان پاکستان تر ډېره په پښتونخوا کې د پاکستان د ځواکونو خلاف د بریدونو مسوولیت پر غاړه اخلي.
څو ورځې مخکې یو شمېر پاکستاني رسنیو ادعا کړې وه، چې په کابل کې د طالبانو د واکمن رژیم په منځګړتوب تحریک طالبان پاکستان له پاکستاني حکومت سره د دغه هېواد د ټاکنو د ترسره کېدو لپاره موقت اوربند کړی.
د خینزیر زامنو ته د وژلو کلمه مه کاروی ولیکی چی د خینزیر زامن مردار شول .