پنجشنبه, اپریل 18, 2024
Homeخبرونهد روسیې، چین او ایران په ملتیا د طالبانو پر رژیم د...

د روسیې، چین او ایران په ملتیا د طالبانو پر رژیم د پاکستان ګډ اعتراض

تاند ( دوشنبه، د دلوې ۱۶ مه)د پاکستان مشهورې ورځپاڼې( ایکسپریس ټریبیون) خبر ورکړی چې هېواد یې د چین، روسیې او ایران د استازو په ملتیا په افغانستان کې د ترهګرو ډلو د فعالیت په اړه خپل اعتراض د طالبانو رژیم ته رسماً سپارلی دی.

سرچینه زیاتوي: دغه اعتراض په کابل کې “د افغانستان سیمه‌ییزې همکارۍ ابتکار” غونډه کې خاموشانه د طالبانو چارواکو ته وسپاره.

سرچینې په دې تړاو نور جزییات نه دي ورکړي، خو ویل شوي چې دغه اعتراض په نهیلۍ سپارل شوی.

معلومه نه ده چې دا اعتراض د طالبانو د بهرنیو چارو که د دفاع وزیر ته سپارل شوی.

د یادې غونډې له ترسره کېدو وروسته د طالبانو دفاع وزیر ملا یعقوب مجاهد د غونډې ګډونوالو ته مېلمستیا برابره کړې وه.

د طالبانو چارواکو په افغانستان کې د سیمې د هېوادونو د مخالفو وسله والو ډلو د موجودیت ادعاوې رد کړي، خو پاکستاني چارواکي وایي چې دوی په دې تړاو مستند اسناد د طالبانو چارواکو ته سپارلي چې په افغانستان کې د تحریک پاکستان طالبان او نورو  وسله والو ډلو د مشرانو او پټنځایونو موجودیت ثابتوي.

طالب چارواکو او ویاندویانو بیا داسې ادعاوې بې اساسه ګڼلي دي.

LEAVE A REPLY

Please enter your comment!
Please enter your name here

- Advertisment -

ادب