تاند (چارشنبه، د جدي ۲۰مه) په کابل کې د ایران سفارت پر خپلې ایکس پاڼې، د افغانستان په اړه د سیمې د هېوادونو د ځانګړو استازو د غونډې جوړولو د پلان خبر ورکړی.
دغه سفارت زیاتوي، چې دې غونډې ته د تماس ډلې نوم ورکړل شوی او په اړه یې د ایران ځانګړي استازي او د دغه هېواد د سفارت سرپرست کاظمي قمي د طالبانو د بهرنیو چارو له وزیر ملا امیرخان متقي سره هم لیدلي.
سرچینه زیاتوي، چې ملا متقي د دې پلان هرکلی کړی.
طالبانو په دې اړه څه نه دي ویلي.
د دې غونډې خبر داسې مهال ورکړل شوی، چې روانه میاشت د ملګرو ملتونو او روسیې په کوربه توب هم د افغانستان په اړه د ځانګړو غونډو خبر ورکړل شوی.
تازه، د ایران د پارلمان رئیس پرون تهران ته د تاجکستاني سیال د سفر پر مهال یې د ایران په کرمان ښار کې وروستیو خونړیو چاودنې ته په اشارې ویلي چې د داعش سیمه ییزې سرچینې په افغانستان کې دي.