تاند (سې شنبه، د جدي ۱۹ مه) د پښتونخوا مشهور ملتپال سیاستوال افراسیاب خټک د کابل دواکمنو طالبانو او پاکستان وروستۍ ناندرۍ یوه غولونکې لوبه ګڼي او ادعا کوي، چې طالبان د پاکستان ستراتیژیک متحدین دي.
د هغه په وینا، د پاکستان او طالبانو ناندرۍ له دې امله استخباراتي لوبې دي چې دغه هېواد طالبانو ته د یوه خپلواک ادرس په توګه حیثیت ورکول غواړي.
ښاغلی خټک باور لري، چې پاکستان له تېرو دوو لسیزو راهیسې په پښتونخوا او افغانستان کې د پاکستاني او افغان طالبانو په وسیله زرګونه پښتانه او بلوڅ ملتپال ووژل.
د خټک په خبره، پاکستان په سیمه کې تر هر چا زیات پښتانه او بلوڅ ملتپال خپل دښمان ګڼي او له طالبانو په خاصه توګه د دغو لوریو د ځپلو لپاره ګټه اخلي.
افراسیاب خټک د افغانستان د جمهوري نظام پر مهال د پاکستان د هغو ادعاوو یادونه کوي، چې د پاکستان د تحریک طالبان یا ټي ټي پي د رامنځته کیدو او مخته وړلو ملامتي یې پر افغان جمهوري نظام اچوله او ویل یې، چې افغانستان د هندوستان په مرسته ټي ټي پي رامنځته کړې او سمبالوي.
خټک زیاته کړه، چې اوس د افغان جمهوري نظام له پرځیدو وروسته هم پاکستان افغانستان ته د ملامتۍ ګوته نیستي، خو واقعیت دا دی چې نه ټي ټي پي مخکې او نه اوس له افغانستانه تمویلیږي.
پاکستاني چارواکو په دې اړه ځه نه دي ویلي، خو د طالبانو رژیم او مشرانو یې په پرله پسې ډول له پاکستان سره خپلې پټې اړیکې او ورڅخه اغېزمنتیا رد کړې ده.
دا ډیر منفی انسان دی داخپله دپنجاپ تر سیوری لاندی ژوند کوی فکر کوی چی ټول همداسې دی
حقیقت ډېر تریخ دی . دا خو هېڅ منطق نه مني چې ټالب دې د پنجاب او ملا ډیزل یا بېنظیرې پرکټیان نه وي . چټلستان په هېڅ وخت کې د افغانانو یوالی ، سرلوړي او ترقي نه غواړي . ولس په دې ښه پوهیږي چې پنجاب د افغانستان تاریخي دښمن دی .
دوستي از دشمن معنی مجوی
آب حیات از دم افعی مجوی
د ملا فضل او ملا سمیع حقانیه مدرسو په لارښوونو اوس څوک نه غولیږي .