تاند ( جمعه، د جدې ۸ مه) د پاکستان د جمیعت علمای اسلام ګوند مشر مولانا فضل الرحمان افغانستان ته د خپل سفر نېټه اعلان کړې او ویلي چې د پاکستان د پارلماني ټاکنو له ترسره کېدو وروسته به د نوي میلادي کال د فبرورۍ په اتمه دغه هېواد ته په سفر لاړ شي.
د فضل الرحمان په خبره، د افغانستان او پاکستان د اړیکو رغول به یې یو مهم لومړیتوب وي.
د طالبانو د رژیم ویاند ذبیح الله مجاهد تایید کړې جې په اسلام اباد کې د دوی شارژدافیر د پاکستان د جمیعت علمای اسلام ګوند مشر مولانا فضل الرحمان سره د لیدنې پر مهال هغه د افغانستان سفر ته بللی.
مجاهد ویلي چې د دې بلنې هدف، په پاکستان کې د دوی د رژیم خلاف د تبلیغاتو د مخنیوي او واقعیتونو د شریکولو په اړه نوموړي سره خبرې دي.
طالب ویاند نه دي روښانه کړي چې مولانا فضل الرحمان کابل او که د طالبانو د واک اصلي مرکز کندهار ته بلل شوی؟
مولانا فضل الرحمان هم د خپل سفر کره سیمه نه ده په ډاګه کړې.
مولانا فضل الرحمان مخکې په یوه اعلامیه کې ویلي وو چې طالب استازي ورڅخه د دوی او د پاکستان د حکومت ترمنځ د منځګړتوب غوښتنه کړې ده.
ذبیح الله مجاهد بیا په دې اړه څه ونه ویل، خو فضل الرحمان یې اغېزناک شخصیت وباله.
په وروستیو کې د طالبانو د رژیم او پاکستان اړیکې ظاهراً ډېر سره ترینګلي شوي.
د افغانستان لپاره د امریکا مخکېني استازي زلمي خلیلزاد ویلي چې دا اړیکې د لا خرابۍ خوا ته روان دي او په کار ده چې دواړه لوري یو لړ تضمین شویو هوکړو ته ورسېږي.
خلیلزاد ویلي چې که پاکستان طالب رژیم د پاکستاني طالبانو تحریک ته په پناه ورکولو تورنوي؛ طالب رژیم هم ادعا لري چې پاکستان یې پر ضد د داعش خراسان څانګې څخه ملاتړ کوي.
ملا ډیزلی بدون د ای اس ای له امره سوغی نشی ښورولی دا هم د ای اس ای پلان ده چی د ملاډیزلی په واسطه طالبانو ته ورکول کیږې ای اس ای د ایسرایلو ناروا اولاده ده دخپل پلانونه په ډیر ذیرکې سره مخته وړی که بیا د ای اس ای ریس او یا کوم بل مشری راغلی وای بیا افغانانو غبرګون شوده او طالب سل فیصده د ای اس ای ګوډاګې بلل کی ده مګر اوس به د ای اس ای د پلان نقشه بدون د کوم خند نه تطبیق کیږی ملا ډیزلی ډیر لوی او منافق شیطان ده