تاند (پنجشنبه، د جدې ۶ مه) په هرات ولایت کې تېره شپه د یوې زلزلې ټکانونه احساس شول.
د جرمني د زلزله پېژندنې ادارې له اټکل سره سم، د دې زلزلې شدت د ریښتر په حساب ۴ اعشاریه ۳ درجې و.
د دې ادارې پر اساس، دا زلزله د شپې په ۱۲ بجې او ۲۶ دقیقې وشوه او مرکز یې د مځکې له سطحې اووه نیم کیلومتره لاندې و.
تراوسه پورې د زلزلې له کبله د احتمالي تاوانونو په اړه کوم راپور نه دی ورکړل شوی.
په هرات کې سږ کال پر له پسې زلزلې وشوې چې له کبله یې شاوخوا ۲ زره تنه مړه او زرګونه خلک بې کوره شول.