تاند ( دوشنبه، د جدي څلورمه) ایران ته د طالبانو د بهرنیو چارو د وزیر ملا امیرخان متقي له تازه سفر سره، یو ځل بیا په بهرنیو غونډو کې د طالب چارواکو د « بې بیرغه» ګډون په اړه نیوکې زیاتې شوي.
د ملا متقي د دغه سفر په خپرو شویو ویډیوګانو او تصویرونو کې لیدل کیږي چې هغه له کوم بیرغ پرته د فلسطین د وضعیت په اړه جوړې شوې غونډې ته وینا کوي او دغه راز د ایران له یو شمېر چارواکو سره د لیدنو پر مهال ورسره کوم بیرغ نه لیدل کیږي.
د طالبانو له بیا واکمنیدو سره، طالب چارواکو د افغانستان درې رنګه ملي بیرغ جې تر یوې پېړۍ زیات قدامت لري په نا اعلان شوي ډول را ښکته او پرځای یې د خپلې ډلې سپین بیرغ حاکم کړ.
د دوی دا بیرغ هم د رژیم په شان یې د افغانانو په شان بهرنیان په رسمیت نه پېژني او د استفادې اجازه نه ورته ورکوي.
د ملا متقي پر خپرو شویو ویډیوګانو او تصویرونو له دې امله ګڼې نیوکې شوي.
د طالبانو منقدانو دوی ته په خطاب کې ویلي: لکه څنګه چې مو هېواد کې دننه خپل ملي بیرغ ته په سپکه سترګه وکتل، دغسې بهر کې سپکیږئ او بې بیرغه او بې هویته ښکارئ.
له دې سره، د طالبانو تر کنټرول لاندې د افغانستان ملي تلویزون او یو شمېر نورو رسنیو د ملا متقي په خپرو کړو عکسونو او ویډیوګانو کې د طالبانو سپین بیرغ فوټوشاپ کړی چې نیوکو سره مخ شوی.
یو شمېر منتقدانو ویلي چې طالبان باید د داسې جعل کاریو پر ځای د افغانانو ارادې ته په درناوي ملي بیرغ او نور ملي ارزښتونه ومني او د خپل رژیم د مشروعیت لپاره عاجل اصلاحات او اقدامات پيل کړي.
بر طالب چارواکو له دې امله مخکې هم نیوکې شوي، خو دوی بابیزه ګڼلي.
ټولو ته دا جوته ده چې ټالبان په دیپلوماسي او خارجي سیاست هېڅ نه پوهیږي ، نو له ملا متقي نه دا ګیله نه ده په کار.
په نړیوالو کنفرانسونو اوغونډو کې د یوه هېواد بیرغ د هغوی د متبوع هېواد د درناوي لپاره د هغوی د استازو ترڅنګ ایښودل ډېر مهم دی او بیرغ د یوه هېواد رسمي سمبول وي .
ټالبان خپله نه غواړي چې نړیوال یې په رسمیت وپېژني . دوی ته د ملا ډیزل او ملا آی اس آی له خوا دا درس ورکول کیږي ، چې تاسو سرپرست او د یوه لنډ وخت لپاره په افغانستان کې پاته کیدای شئ ، نو له همدې امله دوی باید داسې کرکجن او افراطي اعمال سرته ورسوي چې د افغانستان په تاریخ کې د تل لپاره محوه او بیا هېڅکله د جهاد او افراط غږ څوک پورته نه کړي .
بد بختي به دا وي چې دوی به نه وي او بیا به د آی اس آی په توده غېږ کې پراته وي ، خو افغانانو ته به اور بل کړي او بیا به د وینو ویالې بهیږي .
د ټالبانو په راتګ سره اساسي قانون وځنډول شو ، ملي بیرغ راښکته او اکثره قوانین ملغی شول ، د ملي بیرغ پرځای سپین څادر چې کلمه پرې لیکل شوې پورته شوه چې نه شورا او نه لویې جرګې تصویب کړې . که اسلام په سپین بیرغ وي، د اسرائیلو او جاپان بیرغونه هم سپین دي . د پنجاب نیم بیرغ چې د هغه هېواد د عیسوي لږکیو د موجودیت سمبول دي هم سپین دی .
دوۍ ته افغانی ارزښتونه مطرح نه دی او نه غواړوی چی د هیواد د وکړو غوښتنو ته ارزښت ورکړی او د خپلی ایډیولوژی له مخی وایی چی مم زرما ټول زما .
خو دا چاره تر پایه چلیدونکی نه ښکاری د ګټو پر ځای به زیانونه را ولاړ کړی!!!