تاند (سې شنبه، د قوس ۱۴ مه) د طالبانو لخوا په نوي غوره شوي رنګ ښاري ټیکسیانې نن په کابل ښار کې را څرګند شوې.
د طالبانو د رژیم د ترافیک پولیسو لوی رییس حسیب الله مختار ویلي چې له قراردادي شرکت سره د شوې هوکړې پر بنسټ به هر ټکسي موټر د ۹۱۱۰ افغانیو بدل کې رنګ کېږي.
یو شمېر کابل ښاریانو دا کار ستایلی او ویلي چې له نوي رنګ سره به ښاري ټیکسیانې په اسانه وپېژندل شي او منظم به وي.
ځینو ټیکسي چلوونکو بیا ویلي چې له بې کارۍ او اقتصادي ستونزو سره د موټرو د رنګ نوي کول پرې یو بل اضافي تاوان دی.
د طالبانو یو شمېر منتقدانو بیا ویلي چې طالب چارواکي د خلکو لومړیتوبونه نه پېژني او په ظاهري بدلونونو خلک تېر اېستل غواړي.