تاند:(چهارشنبه، د قوس ۱) د افغانستان مشهورې ښځینه هنرمندې استاد مهوش په امریکا کې د یوه کنسرت پر مهال خپله وروستۍ سندره زمزمه او له ۶۵ کلن هنري فعالیت وروسته له موسیقۍ سره مخه ښه وکړه
هغې د امریکا په ویرجینیا کې د جوړ شوي کنسرت پر مهال د )( وقتی عاشق شوی راز دل ته ګفته نتوانی) سندره وویله او له خپلو مینه والو سره یې مخه ښه وکړه.
مهوش ته د داود خان د واکمنۍ پر مهال د موسیقۍ د استادۍ لقب ورکړل شوی و.
هغه د افغاني موسیقۍ له مهمو ښځینه سرلارو څخه ګڼل کیږي چې په څو نسلونو کې د پام وړ مینه وال لري.
مهوش له دې امله، چې عمر یې خوړلی او د سندرو ویلو نوره انرژي نه ده ورپاتې، خواشیني وښوده او په اوښلنو سترګو یې د خپلو مینه والو له مینې مننه وکړه.