تاند(چهارشنبه، د عقرب ۲۴مه) د کرکټ د نړیوال جام په لومړۍ نیمه پایلوبه کې نن د هند پیاوړې لوبډلې نیوزیلنډ ته په (۷۰) منډو ماته ورکړه او د ۲۰۲۳ د نړیوال جام د لومړي ټیم په توګه پایلوبې ته ووت.
د دې سیالۍ پچه د هند ټیم وګټله او غوره یې وبلله چې لومړی بیټنګ یا توپ ویشتنه وکړي. هندي لوبغاړو د ۵۰ اورونو په پای کې، په داسې حال کې چې ۴ لوبغاړي یې سوځېدلي وو، ۳۹۷ منډې وکړې.
په دې سیالۍ کې د هند نامتو لوبغاړي ویرات کوهلي د خپل هیواد د افسانوي لوبغاړي سچن ټندولکر د ۴۹ سلیزو ریکارډ مات کړ.
نننۍ سلیزې په یو ورځنیو سیالیو کې د کوهلي د سلیزو شمېر ۵۰ ته ورساوه.
په توپ اچونه یا باولینګ کې محمد شامي تر ډېره د نیوزیلنډ د ملا په ماتولو کې رول ولوباوه. مهم لوبغاړي یې وسوځول. ده په ۱۰ اورونو کې ۷ لوبغاړي وسوځول.
ټاکل شوې ده چې د راتلونکې یکشنبې په ورځ دوهمه نیمه پایلوبه د استرایا او جنوبي افریقا ترمنځ وشي.
توپ ویشتنه (توپ وهنه) یا بټینګ
دوهمه نیمه پایله نن ۱۶ د نومبر پنجشنبه د استرلیا او جنوبی افریقا ترمینځ کيږي مګر فایل یا اخیری لوبه د یکشنبه په ورځ کیږي لومړی مطلب مخکې له نشر ګوری بیا نشر کوي ځکه داسې معنا ورکوي چې د تهلیل او کره کتنې کسان نلري که معاش راکوي بیا یی ماته رالیږي چې وروسته له ادبی اصلاح دوباره به یی درلیږم
[email protected]