تاند (چارشنبه، د عقرب ۲۴ مه) سیمه ییزو سرچینو په هرات کې د طالبانو لخوا د نجونو د یو شمېر ښوونیزو مرکزونو د تړلو خبر ورکړی.
ویل شوي، چې دا ښوونیز مرکزونه تر ډېره د عصري زده کړو لکه: انګلیسي ژبې، کمپیوټر او ساینسي مضامینو اړوند وو.
ځینو طالب چارواکو د یادې پریکړې دلیل دا ښودلی، چې ګواکې نجونې یوازې د عقیدتي او اسلامي زده کړو اجازه لري.
دا پریکړه د خلکو توند غبرګون سره مخ شوې او طالبان د پوهې او پرمختګ په دښمنۍ تورن شوي.
د دې ډلې له واک ته رسیدو سره په افغانستان کې یوازې د ښوونځیو تر شپږم ټولګي نجونو ته د زده کړو اجازه ورکړل شوې او له نورو زده کړو، فعالیتونو او حتا پارک ته د تلو له حقه ګرځول شوې دي.
د طالبانو د رژیم دا افراطي پریکړې، د نړیوالو له لوري د دوی د رژیم د نه په رسمیت پېژندلو یو اصلي دلیل ګڼل کیږي.
بس نو داسې حبرونه مو بیا زړه پریکوي
دا داسې معنی لري لکه چې تالب ټوله ورځ روزه ونیسي او ماښام یې په تیز ماته کړي . ټالب ځان هېوادوالو او نړیوالو ته وروپېژاند چې د علم ، انسانیت او د اسلام د مقدس دین دښمن دی .