تاند:(یکشنبه، د میزان ۳۰مه) په افغانستان کې له جګړې ودریدو وروسته د مرګ ژوبلې یو بل لوی عامل ترافیکي پېښې لا هم په شدت سره روانې دي او د طالبانو چارواکي یې ارقام د اندېښنې وړ بولي.
د دوی د کورنیو چارو وزارت ویاند عبدالمتین قانع وایي په تېرو شپږو میاشتو کې په لویو لارو او ښارونو کې د ترافیکي پېښو په پایله کې ۱۰۲۹ تنه مړه شوي او ۳۸۹۰ تنه نور ټپیان شوي دي.
قانع وویل، دا شمېر مرګ ژوبله په ۲۲۸۸ ترافیکو پېښو کې اوښتې ده.
د طالبانو دغه ویاند د ترافیکي پېښو لوی لامل، د موټر چلوونکو بېپراويي ښودلې ده.
خلک بیا له چارواکو غواړي چې د ترافیکي پېښو د مخنیوي لپاره پر اساسي لارو چارو غور وکړي.
اساسی ستونځه د چپه لاس موټرو ډيروالی دی،چی دا مو پخپله لاسه کړی.