دا ښه اقدام دی خو د دغو پرېکړو ترڅنګ :
لویې لارې باید ستندرد جوړې شي . د بسونو او باروړونکو نقلیه وسایطو خط یا د سرک برخه باید مشخصه وي او نورو برخو ته لاړ نه شي .
په لویو لارو کې د ترافیکې اشارې نصب کړل شي . مثلا په کوم ځای کې چې ګولایی وي ، لاره تنګه او وړه وي ، په پېچومو او ځوړ کې د موټرو سبقت یا مخکې کېدل منعه شي .
په هر حالت کې په لویو لارو کې د موټرو سرعت باید له سلو یا 120 کیلومترو زیات نه وي .
له ښۍ خو په هېڅ وخت کې له بل موټر نه مخکې نه شي . که کوم موټر غواړي تر بل مخکې شي ، باید اشارې روښانه کړې او د مخ یا د شا موټر لار ورته خوشې کړي .
په ګولایې ، تنګو لارو او پېچومو کې سرعت په ساعت کې 50 کیلومترو ته را کم کړل شي .
د باران ، واورو او کله چې په لارو کې یخک وي سرعت حد اقل ته راکم کړل شي .
دریوران باید د موټرچلولو په وخت کې له چرسو ، هېروینو ، نصوارو، سګرت څکولو او نورو مخدره موادو له استعمال نه په کلکه ډډه وکړي . مسوولین باید د مدرنو وسایلوپه ذریعه دریوران په لارو کې کنترول وکړي . که احیانا چا نیشه اي مواد استعمال کړي وي ، جریمه او ترڅو چې نېشه یې نه وي الوتي ، له دریوري منعه او که ضرورت وي لایسنس او جواز سیر یې ترې مسترد کړي .
د لایسنس ورکولو قوانین باید ډېر سخت او جدي ونیول شي . لږ تر لږه یوه هفته دوی باید نظري یا تیوري درسونه ووایی او بیا امتحان ترې واخیستل شي .
عملي امتحان یې هم باید ډېر جدي وي ، لږ تر لږه یو ساعت د ښار په مختلفو برخو کې وګرځي او د ترافیکو مسوول شخص د هغه ټول نواقصات ورته وښيي.
په نوره نړۍ کې د ترافیکو د پولیسو صلاحیت فوق العاده زیات وي، دوی کولای شي شاه ، لومړي وزیر ، وزیران او خپله د پولیسو منسوبین جریمه کړي .
د ترافیکو قانون باید پرټولو له شاه ترګدا پورې یو ډول تطبیق شي او که چا سرغړونه وکړه باید درنه جریمه ورکړي ، چې بل ځل غفلت او بې تفاوتي ونکړي .

دا ډیر ښه کار ده رښتیا هم بسونه نه دي لکه زندانونه باید ښه یې جریمه کړي 👍