تاند:(یکشنبه، د میزان ۳۰ مه)د افغانستان بانک لپاره د طالبانو چارواکو ویلي، نن د یک شنبې په ورځ (۱۴) میلیونه ډالره د لیلام په ډول پلوري.
دغه بانک، په شرايطو برابر له ټولو صرافانو او تجارتي بانکونو څخه غوښتي چې په دغو داوطلبيو کې دې ګډون وکړي او د داوطلبۍ ګټونکي یې مکلف کړي چې خپل حسابونه د ورځې تر پايه پورې تصفيه کړي.
په خبرپاڼه کې دغه راز يادونه شوې ده چې د معاملــو قسمي ترسره کول مجاز نه دى او د ليلام ګټونکي دې د خپل ذمت پيسې ټولې يوځاى نغدې او یا هم په حوالــــې سره په ټاکلې موده کې په بانک کې تحويلې کړي.
تېره اوونۍ هم، د افغانستان بانک د (۱۴) میلیونه ډالرو د پلورلو خبر ورکړ.
دا په داسې حال کې ده چې د کابل شهزاده سرای نن په بازار کې د یوه امریکايي ډالر پر وړاندې د (۷۴.۸۵) افغانیو د تبادلې خبر ورکړی دی.