تاند:( چارشنبه، د میزان ۱۲مه) د طالبانو د بهرنیو چارو وزارت سیاسي مرستیال عباس ستانکزي او د افغانستان لپاره د ملګرو ملتونو د سرمنشي ځانګړې استازې او د یوناما دفتر مشرې مېرمن آتونبایوا پرون د ځینو مسایلو په اړه سره لیدلي.
د طالبانو خبري سرچینو ویلي، چې د دغې لیدنې پر مهال ستانکزي له نوموړې غوښتي، چې نړیواله ټولنه دې له افغانستان سره خپلې مرستې نه سیاسي کوي.
د هغه په وینا، د بشري مرستو تر څنګ دې نړیواله ټولنه د نیشه یي توکیو او ماینونو پر وړاندې مبارزه کې خپلو مرستو ته دوام ورکړي.
هغه همدا شان ویلي، چې په نړیوالو غونډو او په ځانګړي ډول د ملګرو ملتونو په سازمان کې دې د افغانستان د استازیتوب څوکۍ د دوی رژیم ته ورکړل شي.
ویل شوي، چې د یوناما مشرې په ځینو برخو کې له افغانستان سره د مرستو او همکاریو د جلب په تړاو طالب چارواکي سره د خپلو هڅو جزییات شریک کړي.
معلومه نه ده، چې هغې له طالب چارواکو څه غوښتنې کړي.
د طالبانو د رژیم یادې غوښتنې په داسې حال کې دي، چې تېره اوونۍ د افغانستان لپاره د ملګرو ملتونو د بشري مرستو د همغږۍ ادارې( اوچا) په یوه راپور کې وویل: د روان کال په ترڅ کې یې تر ۱۱۳ مرسته رسوونکي کارمندان په افغانستان کې نیول شوي.
د ملګرو ملتونو څوکۍ به هغه وخت افغانستان ته بېرته ورکړل شي ، چې ټالبان د دغه منشور اساسنامه او منشور ومني او پر هغه عمل وکړي .
تعلیم د ټولو انسانانو طبیعي حق دی .
د بیان آزادي د ټولو انسانانو طبیعي حق دی .
ژوند د هر انسان طبیعي حق دی ، هېڅوک حق نه لري له بېګناه انسان نه دغه حقوق واخلي .