پنجشنبه, جولای 25, 2024
Homeخبرونهیونیسف په نورستان کې د ۸ ښوونځیو ودانۍ بیا رغوي

یونیسف په نورستان کې د ۸ ښوونځیو ودانۍ بیا رغوي

تاند:( چارشنبه، د میزان ۱۲مه) د نورستان د پوهنې ریاست لپاره د طالبانو چارواکي وایي، چې په دغه ولایت کې د یونیسف سازمان په مالي ملاتړ د ۳ میلیونو افغانیو په لګښت د ۸ ښوونځیو د ودانیو د بیارغولو چارې پيل شوې دي..

د یاد ولایت د پوهنې لپاره د طالبانو د رژیم رئیس مولوي تاج محمد مطمئن وویل، چې د مرکز په ګډون د یو شمېر ولسوالیو د ۸ ښوونځیو د ودانیو د بیا رغونې چارې د یونیسف سازمان په مالي ملاتړ د ۳ میلیونه افغانیو په لګښت پيل شوې دي.

دا په داسې حال کې ده، چې د طالبانو له بیا واک ته رسیدو سره دوی د ښوونځیو پر ځای د مدرسو جوړولو ته زیاته مخه کړې او هم یې د عصري زده کړو یوه برخه مرکزونه په مدرسو بدل کړي.

یونیسف له هغو نړیوالو ادارو دی، چې لا هم د خپلې بودیجې یوه د پام وړ برخه د افغانستان د تعلیمي برخې پر پیاوړتیا مصرفوي.

LEAVE A REPLY

Please enter your comment!
Please enter your name here

- Advertisment -

ادب