تاند:( دوشنبه، د میزان ۱۰ مه) د کابل په صنعتي پارکونو کې د ۲۵ میلیونه امریکایی ډالرو په ارزښت د سیروم جوړولو د یوې فابریکې د جوړولو چارې پیل شوې.
د طالبانو د سوداګرۍ او صنایعو وزارت چارواکو ویلي، چې د تی جی ایل فارماسیتیکل په نوم دغې فابریکې ته یې د فعالیت د پيل لپاره د شرایطو په برابرولو کې همکاري کړې ده.
ویل شوي، چې دغه فابریکه په ۲۴ ساعتونو کې د ۱۱۰ زرو طبي سیرومونو د تولید ظرفیت لري.
افغانستان د سیروم جوړولو په برخه کې تر اوسه لا کافي تولید نه لري.
د پرځیدلي جمهوري نظام پر چارواکو نیوکه ده، چې د پراخو نړیوالو مرستو باوجود یې د نورو برخو ترڅنګ په روغتیایي برخه کې افغانستان پر ځان بسیا نه کړی شو.
I HOPE EMARAT ISLAMIC MAKE A DAME FOR AGRECALTURE AND PROJECT OF ELECTRICITY ON KUNER RIVER TOO.
THANK YOU