تاند(چهارشنبه، د سنبلې ۲۲مه) د ایران د بهرنیو چارو وزیر د افغانستان لپاره د پاکستان له ځانګړي استازي سره په کتنه کې وویل چې د افغانستان د ستونزو د حل لپاره پکار ده چې د ګاونډیو هیوادونو په چوکاټ کې کار وشي.
د افغانستان لپاره د پاکستان ځانګړی استازی اصف علي دراني له ایراني چارواکو سره د افغانستان په اړه د خبرو لپاره تهران ته تللی دی.
د ایران د بهرنیو چارو وزیر حسین امیر عبداللهیان د افغانستان او سیمې په تحولاتو کې د ایران او پاکستان رول کلیدي وباله او هیله یې څرګنده کړه چې د دووهیوادونو ترمنځ د نظرونو تبادله به په سیمه او افغانستان کې د سولې او ثبات له لا زیاتېدو سره مرسته وکړي.
د ایران مهر نیمه دولتي خبري اژانس پر خپله انګلیسي ویبپاڼه د ښاغلي دراني له قوله لیکلي چې نوموړي په دې خوښي ښکاره کړه چې له ایراني چارواکو سره د نظر د تبادلې فرصت ورته برابر شوی او په بېلابېلو سیاسي او امنیتي برخو کې د افغانستان د وضعیت په اړه خپله ارزونه وړاندې کوي.
د افغانستان لپاره د پاکستان ځانکړي استازي په کابل کې د ایران له سفیر او د افغانستان لپاره د ایران له ځانګړي استازي حسین کاظمي قُمي سره هم ولیدل.
درانی په داسې حال کې تهران ته تللی چې د افغانستان او پاکستان اړیکې د تورخم د نښتې او په چترال کې پر پاکستاني پوځیانو د ټي ټي پي د مرګونو بریدونو له کبله ترینګلې شوي دي.
اصف علي خان درانی، چې سږ کال د افغانستان لپاره د پاکستان ځانګړی استازی وټاکل شو، د ۱۳۹۵ له سنبلې د ۱۳۹۷ تر اسد میاشتې پورې په ایران کې د پاکستان سفیر و.
خو له کله چې د افغانستان لپاره د پاکستان ځانګړی استازی ګومارل شوی، دا یې ایران ته لومړنی سفر دی.
شر مه را رسوئ ، له خیره مو مونږ تېر یو.
تاسو خپلې ستونزې حل کړئ . مونږ د سېل یوسي .
پاکستان د انگریز بچی ده اوس غواړی چی ایران هم کندی ته ګوزار کړی ایران باید په دی پوه شې چی پاکستان دنستوړی مار ده او هر څه چی کوی د امریکا په مشوره یې کوی پاکستان بدون د امریکا له اجازه څخه خپلی ښځی سره کوروالی هم نشې کولی