تاند: (سې شنبه، د وږي ۱۳ مه ) د کندهار په سپین بولدک ولسوالۍ کې په لومړي ځل د دوو کتابونو د مخکتنې غونډه جوړه شوې.
دا غونډه د تورپېکۍ ادبي بهیر له لوري جوړه شوې او ځایي لیکوالو پکې د حیات الله لاروي د ناول( مېږی څنګه فیلسوف شو؟) او د شرف الدین شاکر ( د سپین بولدک هنري څراغونه) په نوم د ادبي تذکرې ارزونه کړې ده.
د راپور له مخې، په دغه غونډه کې د کندهار د یو شمېر لیکوالو ترڅنګ د سویلي پښتونخوا یو شمېر فرهنګیانو هم ګډون کړی و.
د طالبانو له بیا واکمنیدو راهیسې په ټوله کې فرهنګي هڅې کمرنګه شوي، خو په لرې پرتو سیمو کې، چې مخکې نا امنۍ ځپلې وې، د ورته فرهنګي هڅو زمینه برابره شوې ده.