تاند: (شنبه، د وږي ۱۱ مه ) د طالبانو د بهرنیو چارو وزیر ملا امیرخان متقي له نړیوالو او په ځانګړي ډول له اسلامي هېوادونو غوښتي، چې په افغانستان کې اقتصادي پروژې پيل کړي.
د هغه دفتر ویلي، چې ښاغلي متقي دا غوښتنه د اسلامي همکاریو سازمان تر چتر لاندې کابل ته له راغلو اسلامي علماوو سره د لیدنې پر مهال کړې ده.
نوموړي ویلي: “اوس د دې وخت رارسېدلی چې نړیوال او په ځانګړي ډول اسلامي هېوادونه په افغانستان کې له رامنځته شويو فرصتونو څخه سالمه ګټه ترلاسه کړي او دلته د پانګونې تر څنګ په بېلابېلو برخو کې د دوه اړخیزو ګټو په نظر کې نیولو سره اقتصادي پروژې په لار واچوي.”
د طالبانو له بیا واکمنیدو سره، چې تر دوو کلونو زیات وخت یې وشو، دوی بیا- بیا له نړیوالو او په ځانګړي ډول اسلامي او سیمه ییزو هېوادونو غوښتي چې په افغانستان کې پانګونې او اقتصادي پروژې ترسره کړي.
دوی پانګوالو ته د بشپړ امنیت ډاډ هم ورکړی، خو د شنونکو په وینا د طالبانو سخت دریځي، خلکو او نړۍ سره نه تعامل، غچ اخیستونکي اقدامات او له حکومت څخه ورځ تربلې د متخصصینو وېستل سبب شوي چې په افغانستان کې د پانګونو د ښو فرصتونو له رامنځته کیدو سره بهرني پانګوال دلته پانګونو ته زړه ښه نه کړي.
اسلامي هېوادونه هم غواړي چې تاسو د اسلام مبارک دین مه بدناموئ . د اسلام مبارک دین خلکو ته ببو او زشت مه معرفي کوئ.
اسلام د سولې اوعزت دین دی ، په اسلام کې مینه ، انسانیت او ورورګلوي ده . اسلام ټولو انسانانو ته په درنه سترګه ګوري . په اسلام کې علم پر نارینه اوښځینه دواړو فرض دی . د خپلو ماشومانو پرمخ د ښوونځیو او پوهنتونونو دروازې پرانیزئ . تر څو مسلمانان پوه شي چې تاسو له انسانیت او اسلام سره دښمني نه لرئ .
دا قدانیان د اسلام مبارک دین سره اساسی دوښمنی لری دوی غواړی چی په افغانستان کښی د قدیانی مدرسو په وسیله اسلام مبارک دین له مینځه یوسی ، افغان ملت باید دا قدیانیان د اسلام تخریب او محوه کولو ته موقع ورنکړی !!!!!!