تاند: ( شنبه، د زمري ۷ مه ) د ملګرو ملتونو د ماشومانو وجهي صندوق یونیسف ویلي، چې په افغانستان کې تر مني پورې د عاجلو اړمنو شمېر له ۲۹ میلیون کسانو اوښتی.
دغې ادارې ویلي، چې دغو اړمنو سره عاجلې بشري مرستې اړینې دي.
یاد شوي سازمان یو ځل بیا له نړیوالو غوښتي، چې افغانستان ته د بشري مرستو په برابرولو کې همکاري زیاته کړي.
دا په داسې حال کې ده، چې د طالبانو د رژيم چارواکي د فقر زیاتیدو خبرونه کله ردوي او کله یې له تایید سره د مرستو زیاتیدو غوښتنه کوي.
د طالبانو منتقدان باور لري، چې د فقر او بشري ناورین یو اصلي دلیل د حاکم رژيم افراطي کړنې، د واک انحصار او افغانانو او نړیوالو سره نه تعامل دی.