تاند: ( جمعه، د زمري ۶ مه ) د افغان ښځو لپاره د امریکا ځانګړې استازې رینا امیري یو ځل بیا په افغانستان کې د ټول شموله حکومت او ښځینه حقونو د تامین غوښتنه وکړه.
نوموړې، د منځنۍ اسیا د پنځو هېوادونو له چارواکو سره تر خبرو وروسته ویلي چې پراخ بنسټه حکومت او د ښځو حقونه د افغانستان د اقتصادي ثبات، امنیت او سولې لپاره مهم دي.
امیري او د افغانستان لپاره د امریکا ځانګړي استازي ټوماس ویسټ په دې وروستیو کې په استانه کې د قزاقستان، قرغزستان، تاجکستان، ترکمنستان او ازبکستان له یوشمېر چارواکو سره ولیدل.
هغې نن پر خپل ټویټر لیکلي چې د منځنۍ اسیا له چارواکو سره د دوی په خبرو کې د افغانستان د خلکو د ملاتړ لپاره د ډيپلوماتیکو هڅو پر دوام هم موافقه وشوه.
دوی استانې ته خپل سفر د جولای په ۲۶مه پیل کړ او پام کې ده چې د قطر پلازمېنې دوحې ته هم ولاړ شي.
د طالبانو رژیم ویلي، چې د بهرنیو چارو د وزیر مولوي امیرخان متقي په مشرۍ یو پلاوی یې دوحې ته ځي، څو له امریکایي پلاوي سره وویني.
طالبانو د دغو خبرو هدف له تور لیست څخه د دوی د یو شمېر مشرانو د نومونو وېستل او د امریکا له لوري د افغانستان بانک د کنګل شوې شتمنۍ خلاصول ښودلي.
امریکائی میرمن امیری غواړی چی د خلیلزاد امریکائی په شان په افغانستان کښی چټل او کثیف امریکائی پلانونه عملی شی ایا امیری دا منی چی د امریکایانو لپاره هم حکومتونه د اجنبیو له خوا مینځ ته راځی ؟ که داسی وی نو ددی تودو تودو چیغو د رنګارنګو تربیه شوو قاتلانو ، منافقینو او د افغان ملت دوښمنان ګروپونه لکه پنجابی پاکستان کښی د امریکا په ډالرو تربیه شوی قاتل او غلام تنظیمونه او تربیه شوی غلام قاتل او جاهل طالبان او ایران کښی تربیه شوی قاتل غلامان بیا د ګډ حکومت شعار لاندی سره راټول کړی ، ای د افغانستان تخریب لپاره ( لکه خلیلزاد ) تربیه شوی میرمن امیری ایا څو فیصده افغانیت درسره موجود دی چی د افغان ملت موجوده بدبختی لا پراخه او لا پیچیده نکړی !!!!!!