تاند: ( دوشنبه، د زمري دویمه) افغاني سرې میاشتې ټولنې، په میدان وردګو ولایت کې د اوړمې شپې سېلابونو د تلفاتو د زیاتیدو خبر ورکړی.
دغې ټولنې ویلي، چې د دغو سېلابونو د مړو شمېر ۳۳ او د ټپیانو ۲۰ تنو ته رسېدلی.
ویل شوي، چې تر ټولو زیات تلفات د جلریز ولسوالۍ په یوه کلي کې د واده پر مراسمو سېلاب راتلل وو.
په دې پېښه کې ۳۱ تنه مړه او ۱۵ نور ټپيان دي.
ځایي خلکو د بېړنیو مرستو غوښتنه کړې او ویلي، چې د طالبانو د مرستو ورغلي ټيمونه یې اړتیاوې نه شي پوره کولای.
د افغانستان په یو شمېر نورو ولایتونو کې هم د سختو سېلابونو خبرداری ورکړل شوی.