تاند (پنجشنبه، د تلې/ سنبلې ۲ مه) د افغانستان د تېر جمهوري نظام پرمهال د بهرنیو چارو پخواني وزیر د ملګرو ملتونو له امنیت شورا وغوښتل چې د خپلو صلاحیتونو په چوکاټ کې د شخړې د لا پراخېدو د مخنیوي لپاره بېړني او اغېزناک ګامونه پورته کړي.
محمد حنیف اتمر پر خپله ایکس پاڼه پر افغانستان د پاکستان بریدونه غندلي او دا یې د دې هېواد د ملي واکمنۍ او ځمکنۍ بشپړتیا ښکاره نقض بللی دی.
هغه خبرداری ورکړی چې “د تاوتریخوالي زیاتوالی د سیمې او نړۍ سوله او ثبات له جدي ګواښ سره مخ کوي او په دې بحران کې د نورو سیمهییزو او نړیوالو لوبغاړو د ښکېلتیا خطر زیاتوي.”
اتمر د سیمې له هېوادونو هم وغوښتل چې د روانو ډیپلوماتیکو هڅو ملاتړ وکړي او د شخړې د سولهییز حل لپاره هڅې همغږې کړي او همدارنګه یې په افغانستان کې د ملګرو ملتونو له مرستندويه دفتر (یوناما) او د بشري حقونو او بشردوستانه اړوندو نړیوالو ادارو څخه د دغو بریدونو د څيړلو غوښتنه وکړه.
د افغانستان د بهرنیو چارو پخواني وزیر د پاکستان پر سیاستوالو او پرېکړه کوونکو غږ وکړ چې د زور او پوځي تقابل اوسنی چلند له سره وارزوي، ځکه دده په وینا، پر تاوتریخوالي تکیه او له وسلهوالو ډلو ابزاري ګټه اخیستل د پاکستان لپاره تلپاتې امنیت نه شي راوړلی.
اتمر زیاته کړه، د دې کړکېچ تلپاتې حل ډیپلوماسي او سیمهییزې همکارۍ ته په ستنېدو او د ملګرو ملتونو د امنیت شورا د ۲۷۲۱_ (۲۰۲۳) پرېکړهلیک په هر اړخیز او صادقانه عملي کولو کې دی.
د حکومت ویاند ذبیحالله مجاهد ویلي، د پاکستان د نن سهار په هوايي بریدونو کې، چې پر کندهار، پکتیا او خوست یې کړي، څلور ملکي وګړي «وژل» شوي دي.
مجاهد نن (پنجشنبه، د تلې ۲مه) پر خپله اېکسپاڼه دغه بریدونه «تېری» او «جنایت» بللي او په کلکه یې غندلي دي.
هغه ویلي، دوی به د دغو بریدونو او د پاکستان د هغو کړنو پر وړاندې چې ده «سرغړونې» بللې، «قاطع دریځ» ونیسي او مناسب ځواب به ورکړي.
پداسې حال کې چې طالبانو او نړیوالو د افغانانو خولې تړلې او هېڅوک دا وس نه لري ، چې خپل غږ پورته کړي او یا له ځان نه دفاع وکړي ، د پاکستان ظالم ، جابر او متجاوز دولت د افغانستان پر ملي حاکمیت په رڼا ورځ تېری کوي ، پر بېګناه خلکو بمونه غورځوي ، خلک وژني او کورونه یې ورته ورانوي .
په ملګرو ملتونو کې د افغانستان څوکۍ تشه ده او هلته څوک نشته چې د افغانانو فریاد او شکایت د نړیوالو تر غوږونو ورسول شي . د دې کار مسوول طالبان دي ، چې په خپل تکبر او بېځایه غرور سره یې د ټولو اسلامي ، ملي او نړیوالو حقوقو او د افغاني غوښتنو او عرف خلاف د نجونو ښوونځي تړلي او د ټولنې نیمه برخه یې له کار ، تحصیل او ټولو حقوقو محروم کړیدي .
د ښاغلي حنیف اتمر دا غوښتنه پرځای ده او زمونږ ګاونډیان او نور نړیوال باید د پاکستان جابر او متجاوز نظامي دولت د دغه تجاوز مخه ونیسي او هغه محکوم کړي .
سلام
دښاغلی اتمر وړاندیز هغه وخت ښه پایله ور کولی شی چې ددې کړکیچن حالت لپاره دېپلوماتیک لید لوری ، وسایل او ابزار ددېپلو ماتیکو ستراتیژیو په کچه او معیار کې وارزول شی.
زه فکر کوم دغه تکراری تکیه کلام هغه که دکرزی دی او که معمولی خبریال ذبیح الله خان تر ډیره حده شخصی بڼه لری دلته د پنجاب ایالت میرمن نواز پوځ نه دی .
بناء افغان ولس که وغواړی دعدم تشدد له لارې دغه معضله حل کولای شی خو جګړه نه سوله !