تاند: ( جمعه، د سرطان ۳۰ مه) د پاکستان په پلازمېنه اسلام اباد کې یوه بل افغان کډوال هم ځان وژلی دی.
د دغه کس نوم ذکریا بلوچ ذکي ښودل شوی.
ویل شوي، چې هغه د کډوالۍ د قضیې د ځنډیدو له امله یې ځان وژلی.
نوموړي په اسلام اباد کې د ملګرو ملتونو د کډوالو ادارې اړوند شارپ دفتر سره ځان د پناه غوښتونکي په توګه ثبت کړی و.
تر دې مخکې هم په پاکستان کې د یوه افغان پناه غوښتونکي د ځان وژنې خبر ورکړل شوی و.
د طالبانو له بیا واکمنیدو وروسته، سلګونه زره افغان پناه غوښتونکي ایران او پاکستان ته په دې هیله تللي، چې نورو هېوادونو ته یې د پناه غوښتنې قضیې ومنل شي.